對於不少生於斯長於斯的人來說，香港可能只是一個最普通不過的城市，但對於旅人來說，它卻有一種別樣的魅力，更為其五光十色而傾倒。最近，在Instagram上有70多萬追隨者、芳齡19歲的俄羅斯網絡紅人Dasha Taran來港工作兼旅行五日，她返回俄羅斯後便到YouTube向網友分享在香港的所見所聞：「香港真係好正，所有人都應該要去一次，我覺得香港絕對可以媲美紐約，佢有好多有趣嘅地方，好多人又吵吵嚷嚷咁，個感覺好難用言語嚟形容。」
Dasha Taran笑指香港戶外空氣悶焗得令她的妝容急速溶化。（YouTube）Dasha Taran在短片中坦言因為她的故鄉高樓大廈不多，最高的樓宇也只得25、6層，所以香港的石屎森林令她大開眼界：「香港啲建築物大得好唔真實，淨係諗下有幾多層樓都已經有啲驚！棟棟樓都又高又幼，我諗唔明佢哋點知會企得穩。」
Dasha Taran又指香港美食令她回味無窮，更最正是在茶樓食點心：「我好鍾意佢個設計，所有人都係圍住張大枱坐低；我亦好鍾意個氣氛，喺裏面嘅人講嘢都係嘈嘈吵吵咁好熱鬧；我又好鍾意啲嘢食，可以話係我咁大個女食過最好食嘅嘢。」而最搞笑的是她指香港的蟑螂比起俄羅斯的大得多。
Dasha Taran讚到茶樓天上有地下無。（YouTube）+3其實Dasha Taran的美貌一早已經引起韓國人哄動，暑假時她便到韓國拍攝知名品牌廣告相，令網友四出找尋她的芳蹤，之後她又非常識做在Instagram用韓文向Fans問好，搞到他們非常感動。有「翻版張栢芝」和「翻版徐若瑄」之稱的她亦不時在自己的YouTube頻道中教一些簡單的化妝方法，令好多女性網友都爭相仿傚，所以絕對是男女通殺。
點擊下圖細心欣賞Dasha Taran完美靚樣（一些圖片已在Instagram下架）：
Dasha Taran的美貌吸引了超過70萬追隨者。（Instagram）+24【返歸啦俄仔】Ansheles曾為女神變小毒毒 初戀女友靚樣完勝天仙【專訪‧有片】俄仔Ansheles返歸全裸焗桑拿：動作太大要打格仔！87歲俄國男星Ivan I. Krasko與27歲妻離婚：她拒絕圓房生仔【紅雀特工】俄妹做特工為興趣 非人道特訓性愛技巧係必修